Urdu Ghazal by Kawish Abbasi

by Ravi Magazine · Published 30th June 2016 · Updated 18th September 2016

Urdu Ghazal by Kawish Abbasi

چشمِ نَم بے اثَر بھی ہوتی ہے
کِشتِ دِل بے ثمَر بھی ہوتی ہے

آدمی آدمی نہیں رَہتا
بے حِسی کارگر بھی ہوتی ہے

زندگی کو طویل ہی مت جان
زندگی مختصَر بھی ہوتی ہے

ہمیں یکسر ہی بے خبَر نہ سمَجھ
ہمیں کچھ کچھ خبَر بھی ہوتی ہے

قندِ جاں ہے سُخَن مگر اِس سے
زندگی تلخ تر بھی ہوتی ہے

بولو کاوِش کہ بعض موقعوں پر
خامشی فِتنہ گر بھی ہوتی ہے