Meray Dil Ka Yeh Shaiwa: Urdu Ghazal by Mujeeb Ur Rehman Anjum
Meray Dil Ka Yeh Shaiwa: Urdu Ghazal by Mujeeb Ur Rehman Anjum
میرے دل کا یہ شیوہ ہے تمہاری آرزو کرنا
اور اک بیتاب بلبل کو گل کے روبرو کرنا
کبھی اپنا بنانا تو کبھی دل سے بھلا دینا
مجھے آتا نہیں ہے یوں وفا بے آبرو کرنا
چھلک کر آنکھ سے اشکوں کا اک دریا کی صورت میں
یہی تو غم کی صورت ہے کہ اشکوں کا لہو کرنا
کبھی بے تاب ہو جانا کبھی دل کو پکڑ لینا
کبھی مدہوش ہو کر سر تا پا اس کی آرزو کرنا
یہ دل اک کیمیائے درد ہے جس میں محبت ہے
مجیب!حسرت کے صحرا میں گلستاں چار سو کرنا
