Kabhi Ishq o Muhabbat Ki Kahani: Urdu Nazm by Shams Raja

کبھی عشق و محبت کی کہانی یاد آتی ہے
گزرتے اس بڑھاپے میں جوانی یاد آتی ہے

کہ سوکھی آنکھ میں آنسو نہ خوابوں کا تماشہ اب
انہیں آنکھوں میں خوابوں کی روانی یاد آتی ہے

جیا اے زندگی تجھ کو! ترے حصّار میں رہ کر
تری سفّاکیت کی ہر نشانی یاد آتی ہے

یہ دنیا ہے، فسانہ ہے ٹھکانہ نہ ہے جینے کا
مجھے یاں پر حیاتِ آسمانی یاد آتی ہے

جو حاصل کو میں لاحاصل سمجھتا تھا، سمجھتا ہوں
کہ مجھ کو اس مکاں میں لامکانی یاد آتی ہے

میں دریا ہوں نہ جانے کب سمندر میں اتر جاؤں
مگر ساحل پہ موجوں کی ہیجانی یاد آتی ہے

عجب سی اضطرابی ہے مکانِ خاک میں ناسؔق
ہے وقتِ مرگ پھر بھی زندگانی یاد آتی ہے

شمس المحمود ناسؔق