Daryay-e-Hasti: Urdu Nazm by Saleem Jamal

by Ravi Magazine · Published 22nd April 2023 · Updated 22nd April 2023

دریائے غمِ ہستی میں بے سمت ہی بہنا

کُوچہ بہ کُوچہ بھٹکنا کھویا کھویا سا رہنا

لذتِ دردِ محبت کے بنا اِس دنیا میں

کیا کھونا کیا پانا کیا جینا کیا مرنا

اِک یہ بھی دردِ مسلسل رہتا ہے اب تو ہر دم

بچھڑے پیاروں کا خوابوں میں آ کے بچھڑنا

جہدِ بے سود میں گزری ہے یہ زندگی ساری

خوابوں میں بسا چھوٹا سا اِک کاشانہ بنانا

میرا حوصلہ ہی میری میراث ہے جمالؔ

مجھ کو آتا نہیں حالات کے قدموں میں گرنا