Bohat Dair Ki Jaan: Urdu Ghazal by Mujeeb Ur Rehman Anjum
Bohat Dair Ki Jaan: Urdu Ghazal by Mujeeb Ur Rehman Anjum
بہت دیر کی جان جاں آتے آتے
کہ اب تو گیا میزباں آتے آتے
میرے باغ دل میں کمی آپ کی تھی
مگر کھو گیا گلستاں آتے آتے
ہے دل یہ بیاباں،یادیں ہیں ویراں
مٹے حسرتوں کے نشاں آتے آتے
خبر یہ ملی کہ رقیب ہمسفر تھا
پڑی مشکلوں میں یہ جاں آتے آتے
ستم یہ ہوا کہ بنے دوست ناصح
ہوئے غیر سب رازداں، آتے آتے
مجیب!حضرت داغ سچ کہہ گئے ہیں
کہ آتی ہے اردو زباں آتے آتے
