Ansoo Meri Palkon Pe: Urdu Ghazal by Shehzeen Khaliq

Ansoo Meri Palkon Pe: Urdu Ghazal by Shehzeen Khaliq

آنسو میرے اپنی پلکوں پہ سجاتا تھا کبھی 
نمی میری آنکھوں کی اپنی پلکوں پہ گراتا تھا کبھی

خزاں رُتوں میں خشک پتوں کی مانند
سمیٹتا تھا مجھے اور جلاتا تھا کبھی

جاڑے کی خنک ہوا جیسے گرم گالوں کو چھو جائے
ایسے میرے ناز اٹھاتا تھا کبھی

میری ہنسی وہ قيد رکھنا چاہتا تھا
میری آنکھوں کے موتی سرعام چھلکاتا تھا کبھی

نرم گلاب کی کلیوں سا تھا وہ
میری راه میں خار بچھاتا تھا کبھی

باتیں وہ عزتوں کی کرتا تھا اکثر
میری عزت کا تماشا بناتا تھا کبھی

سمیٹتا تھا مجھے اپنی بانہوں میں
تحافظ کا احساس دلاتا تھا کبھی

ویران صحرا کی گرم رُتوں میں
دھوپ میں چھوڑ جاتا تھا کبھی

از قلم
شہزين خالق