Akeley Chor Jaatey Ho: Urdu Poem by Zeenat Chaudhary

by Ravi Magazine · Published 14th December 2022 · Updated 14th December 2022

اکیلے چھوڑ جاتے ہو یہ تم اچھا نہیں کرتے

ہمارا دل دکھاتے ہو یہ تم اچھا نہیں کرتے

کہا بھی تھا محبّت ہے محبّت ہی اسے رکھو

تماشا جو بناتے ہو یہ تم اچھا نہیں کرتے

اٹھاتے ہو سر محفل فلک تک تم ہمیں لیکن

اٹھا کر جو گراتے ہو یہ تم اچھا نہیں کرتے

کوئی جو پوچھ لے تم سے کہ رشتہ کیا ہے اب ہم سے

تو نظروں کو جھکاتے ہو یہ تم اچھا نہیں کرتے

بکھر جائیں اندھیروں میں سہارا تم ہی دیتے ہو

مگر پھر چھوڑ جاتے ہو یہ تم اچھا نہیں کرتے